Norðurþing

1.

201001017 - Umferðarstofa, varðar umferðaröryggisáætlun

Bréf frá Umferðarstofu þar sem farið er fram á að fá tækifæri til að kynna aðferðarfræði að baki umferðaröryggisáætlun sem stjórnvöld hafa unnið að á undanförnum árum og sveitarfélög eru mikilvægur þátttakandi í. 

Framkvæmda- og þjónustunefnd býður fulltrúa Umferðarstofu velkomna til slíkrar kynningar.

2.

200912046 - Tré á Húsavík með sérstakt verndargildi

Fyrir fundinum lágu drög að samningi milli eigenda merkilegra trjáa og sveitarfélagsins, sem garðyrkjustjóri hefur gert samkvæmt samþykkt framkvæmda- og þjónustunefndar á síðasta fundi nefndarinnar.

Framkvæmda- og þjónustunefnd samþykkir samninginn eins og hann liggur fyrir.

3.

200807074 - Fráveita - Húsavík

Fyrir fundinum lágu drög að samþykkt um fráveitur og meðhöndlun seyru í Norðurþingi.

Framkvæmda- og þjónustunefnd frestar afgreiðslu málsins og felur framkv. og þjónustufulltrúa að afla nánari upplýsinga.

4.

200911028 - Framkvæmda- og þjónustunefnd- Fjárhagsáætlun 2010

Framkvæmda- og þjónustunefnd samþykkir að hækka gjaldskrá þjónustumiðstöðva Norðurþings um 20%  en hún hefur verið óbreytt frá  febrúar 2008. Á sama tíma hefur vísitala neysluverðs til verðtryggingar hækkað um 26%.

5.

201001029 - Atvinnuátaksverkefni Skógræktarfélags Íslands 2010

Skógræktarfélag Íslands óskar eftir svari frá Norðurþingi um það hvort sveitarfélagið muni taka þátt í verkefnum á vegum þess og Skógræktarfélags Húsavíkur, sem fyrirhugað er að hrinda í framkvæmd yfir vor og sumartímann árið 2010.

Verkefnin eru hugsuð á svipaðan hátt og var í fyrra.

Framkvæmda- og þjónustunefnd tekur jákvætt í erindið en þó með fyrirvara um fjármögnun þess.

6.

200801077 - Staðardagskrá 21

Fyrirliggjandi drög að 1. útgáfu Staðardagskrá 21 voru yfirfarin á fundinum.

Málinu er vísað til þeirra nefnda sem málið varðar til yfirferðar.